Comezo

Iniciar Terminal

O xeito máis sinxelo de iniciar Terminal é usar o menú de aplicativos do seu escritorio; en Xfce, poña o cursor do rato sobre o escritorio, prema o botón dereito do rato e seleccione SistemaTerminal.

Tamén pode iniciar Terminal dende unha liña de comandos ou dende un Iniciador de aplicativo. Simplemente prema Alt+F2, introduza Terminal e prema no botón Executar.

Cando inicia Terminal por primeira vez

Cando inicia Terminal por primeira vez, o aplicativo abre unha fiestra de terminal cas opcións predeterminadas.

Exemplo dunha fiestra predeterminada de terminal

A fiestra de terminal mostra un indicador de execución onde pode introducir comandos de UNIX. O indicador de execución pode variar dependendo da configuración do seu shell. O cursor está situado no indicador de execución. Cando introduce un comando de UNIX e preme Intro, o ordenador executa o comando. Por defecto, @PACKAGE_NAME usará a shell de inicio de sesión do usuario que inicia o aplicativo (/bin/bash en caso de ser unha instalación predeterminada de Linux).

Terminal define as seguintes variables de contorno para o comando que se executa dentro da fiestra da terminal:

TERM

Definir a xterm ou xterm-color, pode configurar o valor no diálogo de preferencias.

COLORTERM

Definido como Terminal por defecto.

DISPLAY

Por defecto o seu valor é a pantalla X11 da terminal.

WINDOWID

Por defecto o seu valor é o identificador de fiestra X11 da terminal.

Traballar con varias terminais

Terminal proporciona unha funcionalidade de lapelas que lle permite abrir varias terminais dentro da mesma fiestra. Cada terminal ábrese nunha lapela separada. Prema na lapela apropiada para mostrar a terminal na fiestra. Cada terminal en lapela dunha fiestra é un subproceso separado, de xeito que pode usar cada terminal para unha tarefa diferente.

Exemplo dunha fiestra de terminal con lapelas

Consulte « Uso » para obter información sobre como abrir unha nova terminal con lapelas.

Pode pechar unha lapela da terminal premendo no botón de pechar da cabeceira da lapela ou seleccionando FicheiroPechar lapela na barra de menú.